شعر عتاب *** شعر رومنسى

شعر عتاب
شعر رومانسية شعر حب شعر محبة شعر عاشق شعر عشاق

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

خلاص لاتتعب وترجع تعاتبني
انا نسيتك دخيل جروحك انساني..

[ندعوك للتسجيل في المنتدى أو التعريف بنفسك لمعاينة هذه الصورة]

تسلم اخى نجم والله شى رائع بجد
تسلم ايديك على الموضوع الرائع

شكرا و جزاك الله خيرا فى انتظار المزيد من المواضيع المختارة

» شعر عتاب
» اجمل شعر عتاب
» من قلبي المجروح..أشعار حزن *خيانه*زعل*حب*عتاب*فراق