عنـدى جــرح مايبـــى أيطيـب ..... وعندى هم ماهو للشقاء
أوعندى عقل يرمى عالنصيب ...... كان أعزاز لادوا بالجفا
أوعندى بال ف الستها أيجيب ...... غوالى كان ماضيهم زها
أوعندى عين فى غياب الحبيب ...... كبت دمــع هندامى مــلا
أوعندى قلــب مـــن مده غريب ..... ينبض غير من جوة خوا
أوعندى دمــع من عينى قريـب ..... أيسيل أفدوج ولا فى خفا
أوعندى فكر كان غابوا أيخيب ..... اللى موصوف ديما بالدها
أوعندى لسان فالحمقة عطيب .... أيقول الحق ما ينطق خطا
أوعندى راس ماوالى أيهيـب .... ديمـا فـوق متايـتزل وطــا
أوعندى ظــن ماعمره أيخيب .... منك عــون يــارب السماء
ونا فى الشعر ما أنقولش العيب .. أوشعرى سمح يعجب من صغا
أنقول الحق لكــــــن ما أنــعيب .... كلام أجدودفى عقلى رسا
جـــدى كان فالكلمة أيصــيب ...... كلامه علم قاعد ما أنتهى
يـــامــولاى أبـجاه الــحـبيب .... أتفرج هم من شعرى قرا