بين الشجر والمي كلمات رضا الجنايني شاعر الحب

بين الشجروالمي رضا الجنايني شاعر الحب

--------------------------------------------------------------------------------

بين الشجر والمي
ترقص بنات الحي
تتسابق الضحكات
وتغرد النسمات



وتمايل الخصلات
فوق الجبين الضي
بين الشجر والمي
::::::::


واميرة الحلوات
تداعب النغمات
تضحك لها الأمواج
وللثنايا العاج
وتحوم حواليها الحور
تمسح جبين النور
بس القلب مكسور
وعنيها تشتاق ضي
بين الشجر والمي
::::::::



ناديت عليها بحرقه
مديت ايديها برقه
اخدت ورود مديتها
راحت عيوني غارقه
وسط بحور الدمع
سكت كلام الجمع
وجلست جنب الحسن
اعطيتها قلبي غصن
مسحت دموعي ازاي
لما احتوتني بحضن
:::::::


رفعت ايديها لفوق
تدعي لجميع مخلوق
وقلبي اللي كان مخنوق
فرحان بنور الشوق
احنا عايشين لبكره
واليوم حيصبح ذكري
الله يجازي قلوب
علي الألام صابره
::::::

مع تحياتي
رضا (شاعر الحب)

نورالقمر كتب:

بارك الله فيك اخى رضا على كلماتك الجميله
واحساسك الراقى وزى الادمن ماقال عنك
وشوقنا ليك عندو حق وياريت يبقا معانا على طول

تسلمي يااخت نور
ردك فيه السرور
وكل اللي اقدر اقوله
قلبك كتير مشكور
علي رقة كلامك
ونبل هذا الشعور
رضا
مع اسمي امنياتي

جزاك الله خيرا

أثابك الجنة

بارك الله فيك