{ ليت المحبه } كلها يوم / وأنساك
ويرتاح قلبي .. من شقاوة عذابك
عنيت روحي .. للخطر درب الاشواك
{ واسهرت عيني } في شقاك وغيابك
وأنا انتظر لو يوم .. شوفك ولقياك
على أمل يمكن .. وكلمة هلابك
ياصاحبي .. وإرحم خفوق ً تمناك
على أقل تقدير .. جامل مصابك
هو فيك .. رحمه يالغضي لاعدمناك
ولا نويت تشب .. فيني عتابك
{ ياويل } حالي لا اظلم الليل ثم جاك
سربً ينوخ في خفوقي ركابك
منها ضلوعي تنصفق سبة إعداك
وفي جوفها قلبي .. مضيف لجنابك
حتى {الخفوق }اللي تعذب ويبغاك
يرقص طرب .. والحظ عزه.. وجابك
لو العرب تنهج .. وتسرق مزاياك
أصبح جمال الكون .. كله نصابك
اقلط تفضل .. والمشاعر تحراك
مادام يسكن في خفوقي رحابك
وإن كان ماحصلت شوفك / ولاماك
اعرف تراني مت .. سبة عذابك