قصيدة عن فلسطين الحبيبة

فلسطيني ممنوع تعيش



؛؛؛؛؛؛؛؛؛؛
فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
؛؛؛؛؛؛؛؛؛؛؛

ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
؛؛؛؛؛؛؛؛؛؛؛

فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب
؛؛؛؛؛؛؛؛؛؛؛

مع انو الحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي
؛؛؛؛؛؛؛؛؛؛؛
بدنا نعيش
الحل يا جماعة

بردو راح ضلي فلسطيني واعمل الي بدي اياه
لا مدافع ولا دببات عم ترعبني حامل كفني بيدي وواقف دافع عن ارضي تسلمي كتير اختي
ربنا ينصرنا يارب ويحمي شعبي وكل البلاد كتير حلوه قصيدتك ومؤثره
وفعلا متل ما اتفضلتي احنا علينا خط احمر وين ما بنروح عم يتهمونا بحجات جايز تكون بواحد بس خرب كل الناس علي كل احنا ما النابلد ولا معين بس بيكفينا رب العالمين حارسنا وحامينا وكفي بالله وكيلا

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش

مشكووورة اميرة على موضووعك

:مكم:

:22222222222222 :22222222222222 :22222222222222 :fghfhdh: