هذا الشعر مما قراته واعجبنى عن حال البلاد
هذه الاونه الاخيره وقليل من يتفهم ان الوضع اصبح خطيرا
وان ما يفعله الناس الان ليس بثوره بل خراب
الناس دي مين
*******
الناس دي مالها ليه كدا متفرعنين
اشكال ملايكة بس افعال شياطين
الناس دي كدبت ولا هما مصدقين
الناس دي مين ؟؟
واثقين اوي من نفسهم ومكملين
بيهدو فيكي حتة حتة ومبسوطين
خفافيش ظلام ومعششين
وسط الميدان متجمعين
بتشوف سجودهم
تفتكرهم مؤمنين
وتشوف جحودهم
تفتكر ملهومش دين
الناس دي مين ؟
يابلادي مش قادر اقولك متخافيش
مع اني ياما قولتلك ميهمكيش
الامن ضاع انا قولتلك ميهمكيش
ولو اني عارف انك انتي مبتناميش
يوم ما استلفنا عشان نعيش
انا قولتلك قولتلك ميهمكيش
واما اتسرقنامهمكيش
تعبانة حبة , بتععبي ,
ومابتموتيش
دلوقتي مش قادر اقولك متخافيش
لما الجحود طال الجنود
يعني الخطر مس الحدود
مبقيتش قادر اوهمك
مش كل مرة هاضللك
اصل الحكاية طولت
مبتنتهيش
ابنك يابلدي بيقتلك
بيزلزلك علشان يعيش
ابنك بئا بيهددك
بيكتفك ويسلسلك
اصبح يخاف
مابيختشيش
عن وعيه ابنك غاب
ردد كلام كداب
خلاه يعيش الدور
على اي شيء بيثور
بئا للعدو مأجور
لكن بلا أتعاب