❤ ✿ツسنة أولى قرآن "دورة حفظ جزء عم للأخوات...جوائز للأوائل❤ ✿ツ

[ندعوك للتسجيل في المنتدى أو التعريف بنفسك لمعاينة هذه الصورة]
أهلا بيكي معنا يا غالية

عارفة أي طريق صعب في أوله لكن لو استعنتي بالله هتلاقيه كل شيء سهل ويسير بأمر الله

[ندعوك للتسجيل في المنتدى أو التعريف بنفسك لمعاينة هذه الصورة]
نفسك تحفظي كتاب الله من زمان ومش قادرة؟

بدأتِ تحفظي ووقفتِ بعد فترة ومفيش حد كان جنبك يشجعك تكملي حفظ؟؟؟؟

نفسك تحفظي ومش قادرة تخرجي من البيت تحفظي في دار قرآن؟

نفسك تحفظي ومتعرفيش معلمة مجتهدة تحفظي معاها؟

نفسك تتعلمي أحكام التجويد وتقرأي زي القراء والمشايخ؟؟؟

نفسك تفوزي بأعلى الدرجات بالجنة؟؟؟؟

معانا بأمر الله هتلاقي كل ده

حفظ وتعليم أساسيات التجويد وتخرجي من الدورة حافظة لجزء من القرآن بإتقان بفضل الله تعالى

[ندعوك للتسجيل في المنتدى أو التعريف بنفسك لمعاينة هذه الصورة]

شوفي الانفوجراف ده هيعرفك أكتر على الدورة

[ندعوك للتسجيل في المنتدى أو التعريف بنفسك لمعاينة هذا الرابط]

شوفتيه؟

بينك وبين نفسك بتقولي ياريت أقدر أعمل كل اللي فيه ده، صح؟

شوفي مشايخنا الأفاضل هيقولوا لك إيه

[ندعوك للتسجيل في المنتدى أو التعريف بنفسك لمعاينة هذا الرابط]

رايحة فيييييييييييييييين؟

اسمعي ده كمان

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

أكيد الشيطان بيوسوس لك دلوقتي علشان تقفلي الموضوع وبيقولك

كلام كتير علشان يحبطك ومتبدأيش معانا

بس أنتي قوية ومش هتسيبيه ينتصر عليكي

أنتي قوية بإيمانك وحبك لربنا ورغبتك إنك تحفظي القرآن

لسة برضه مترددة وقلقانة؟

[ندعوك للتسجيل في المنتدى أو التعريف بنفسك لمعاينة هذه الصورة]
عارفة إنك بتسألي نفسك أسئلة كتير دلوقتي

يا ترى الحفظ هيكون كتير عليا ولا هقدر أحفظه وأكمل الدورة للنهاية؟

طب أنا بدرس أو بشتغل أو عندي أطفال، هلاقي موعد يناسبني؟

أنا معرفش حاجة في التجويد خالص ومش بعرف أقرأ زي الشيوخ والقراء

هحفظ أد إيه كل يوم؟الدورة مدتها أد إيه؟

[ندعوك للتسجيل في المنتدى أو التعريف بنفسك لمعاينة هذه الصورة]
خلصتي أسئلتك؟؟؟؟؟
ممكن أخد المايك وأجاوبك؟؟؟؟

أولاً :زي ما اتفقنا فوق إن كل شيء نستعين بالله فيه هيكون سهل ويسير، ومع ذلك جدول الدورة يسير جدا بفضل الله

كل يوم هنحفظ نص وجه بس يعني نص صفحة من المصحف.

هنسمع يومين بس في الاسبوع.

موفرين لك مواعيد على مدار اليوم بأمر الله هتلاقي موعد فيها يناسبك.

مدة الدورة: 7 أسابيع بس بفضل الله وتختمي جزء عم.

هتلاقي معلمات بإذن الله يعلموكِ أساسيات التجويد بطريقة سهلة ويسيرة جداااااا.

مش بس كده

لاااااااا، كل أسبوع هنزلك جدول مكتوب فيه حفظ الأسبوع

ومعاه وصلات صوتية علشان تسمعي الآيات قبل ما تحفظيها

ودرس أسبوعي لعدد من مشايخنا الأفاضل

هيكلموكي عن حفظ القرآن وفضله

وجزء عم تحديدا ومعاني كلماته اللي ممكن تكون صعبة عليكِ

علشان تخرجي من الدورة بأكبر استفادة بأمر الله

[ندعوك للتسجيل في المنتدى أو التعريف بنفسك لمعاينة هذه الصورة]
بعد ما تخلص الدورة
وتخلصي حفظ جزء عم هنعمل ايه؟

هنعمل اختبار يسير وبعدها نحتفل معاكِ إنكِ ختمتِ أول جزء في القرآن وكمان جوايز للأوائل

يلا حطي إيدك في إيدنا وبلاش تترددي

وتعالي بينا نبدأ المشوار مع بعض
[ندعوك للتسجيل في المنتدى أو التعريف بنفسك لمعاينة هذه الصورة]

مطلوب منكِ إيه بقى علشان نبدأ المشوار؟؟؟

حاجتين أبسط من بعض

الأولى تعملي حساب على المنتدى من الرابط اللي تحت ده

[URL="http://forums.way2allah.com/register.php"][ندعوك للتسجيل في المنتدى أو التعريف بنفسك لمعاينة هذا الرابط][/URL]

والتانية :التسميع هيكون على برنامج skype أو zelo فمطلوب منك تعملي حساب على واحد فيهم أو الاتنين لو أمكن

وتضيفي حساب الاسكايب ده akhwat_way2allah

وابعتي لنا رسالة فيها اسمك على المنتدى

وبعد الاعلان عن الحلقات هنضيفك للحلقة اللي اختارتيها

حلقات الدورة هيتم الاعلان عنها خلال فترة قصيرة جداااااااا
تنبيه هااااااام

شرط دخول الدورة أن تكون الأخت غير حافظو لجزء عم أو مبتدئة في حفظ القرآن

وعلشان تجيبي أصحابك معاكي ويبقى سهل عليكي دعوتهم

عملنا لك ايفينت على الفيس

ده الرابط بتاعه

[URL="https://www.facebook.com/events/701930979949151/?active_tab=posts"][ندعوك للتسجيل في المنتدى أو التعريف بنفسك لمعاينة هذا الرابط][/URL]

يلا بينا ننزل نشوف جوايز الأوائل هتكون إيه؟؟

جوائــــــــز الدورة

المركز الأول:

موبايل
Huawei Honor 4C

المركز الثاني:

موبايل Huawei Honor 4C

المركز الثالث:

تابلت لينوفو TAb2
7 بوصة

المركز الرابع:

تابلت لينوفو TAb2
7 بوصة

المركز الخامس:

تابلت هواواي ميديا باد 7 بوصة

المركز السادس:

تابلت هواوي ميديا باد 7 بوصة

المركز السابع:

500 جنيه

المركز الثامن:

500 جنيه

المركز التاسع

300 جنيه

المركز العاشر

300 جنيه

للإشتراك في الحلقات

❤ ✿ツسنة أولى قرآن " حلقات دورة حفظ جزء عم للأخوات❤ ✿ツ

❤ ✿ツسنة أولى قرآن " مـــــــوعـــــــد الانــــطــــــلاق"❤ ✿ツ

» مصحف التجويد من برنامج قرآن فلاش
» مذكرة الحروف الانجليزية أولى ابتدائي